ہر قسم کے درد کیلئے سینے میں‘ جوڑوں میں‘ دانت میں‘ سر میں درد، ہر پریشانی‘ بیماری‘ الجھن کیلئے میرے والد درج ذیل دم کیا کرتے تھے اور ان کے بعد میں بھی کرتا ہوں تولوگوں کو لاجواب فائد ہوتا ہے۔ اس کا صرف ایک واقعہ درج کررہا ہوں۔ میرے پاس ایک پٹھان بھائی آئے‘ گردے کے مرض میں مبتلا تھے‘ میرے پاس دوائی لے کر آیا کہ اس پر دم کردیں‘ میں نے اس کو کہا کہ دوائی لے جاؤ لیکن وہ نہ مانا اس کے اصرار پر پانی پردم کردیا اور کہا کہ وہ خود بھی سارا دن مسلسل اور لاتعداد پڑھ کر پانی پر دم کرکے پیے اس عمل سے اس کی پتھری نکل گئی۔ دم یہ ہے: اَللّٰھُمَّ اَنْتَ الْبَاسِطُ
ہرمقصد کے حل کیلئے آسان عمل :نماز فجر کی سنت اور فرض کے درمیان 41 مرتبہ الحمد شریف وصل بسم اللہ کے ساتھ پڑھیں اول و آخر گیارہ گیارہ مرتبہ درود شریف آخری مرتبہ اِیَّاکَ نَعْبُدُ وَ اِیَّاکَ نَسْتَعِیْنُ کو 41بار تکرار کریں پھر دعا کریں۔ (اللھم، ص186) بعد نماز عشاء دو نفل پڑھ کر گیارہ سو مرتبہ درود شریف پڑھیں اور اپنے مطلوبہ کام کے حل کیلئے دعا کریں۔ روزانہ کسی بھی وقت یَا رَحْمٰنُ پانچ ہزار مرتبہ پڑھ کر دعا کریں۔
ہاضمے کا لاجواب ٹوٹکہ
محترم حضرت حکیم صاحب السلام علیکم!میں نے عبقری میں سے دیکھ کر ایک ٹوٹکہ ہاضمہ کیلئے بنایا۔ مجھے اس سے اتنا فائدہ ہوا کہ میں بتانہیں سکتا۔میرا سالہا سال سے ہاضمہ کا مسئلہ تھا جو اس ٹوٹکہ سے بالکل ٹھیک ہوگیا۔ ٹوٹکہ صرف یہ ہے کہ میں نے سونف اورچینی ہموزن لے کر سفوف بنالیا اور کھانے کے بعد آدھا چمچ چائے والا استعمال کیا۔ اس کے علاوہ جس کسی کو لیموں راس نہ آئے تو وہ لیموں کھا کر تھوڑا سا لہسن کھالے لیموں نقصان نہ دے گا۔ (بحوالہ عبقری جلد نمبر11)